use khabar hai ki anjaam-e-vasl kyaa hogaa — Khalid Yusuf

ye adaaein ye ishaare ye hasin qaul-o-qaraar
kitne aadaab ke parde mein hai inkaar ki baat

— Khalid Yusuf

ham ne maanaa ki tire shahr mein sab achchhaa hai
koi iisaa ho to mil jaaeinge bimaar bahut

— Khalid Yusuf

fan kaa daavaa hai to kuchh jurat-e-izhaar bhi ho
zeb detaa nahin fankaar ko buzdil honaa

— Khalid Yusuf

ham ho gae shahid ye eazaaz to milaa
ahl-e-junun ko nukta-e-aaghaaz to milaa

— Khalid Yusuf

na tum hosh mein ho na ham hosh mein hain
chalo mai-kade mein vahin baat hogi

— Bashir Badr

sau fasaad ek ishq mein uTThe
boyaa ik tukhm uge hazaar darakht

— Imdad Ali Bahr

kisi ke zakhm par chaahat se paTTi kaun baandhegaa
agar bahnein nahin hongi to raakhi kaun baandhegaa

— Munawwar Rana

khair dozakh mein mai mile na mile
shaikh-saahab se jaan to chhuTegi

— Faiz Ahmad Faiz

ishq phir ishq hai aashufta-sari maange hai
hosh ke daur mein bhi jaama-dari maange hai

— Unwan Chishti

mujh tak kab un ki bazm mein aataa thaa daur-e-jaam
saaqi ne kuchh milaa na diyaa ho sharaab mein

— Mirza Ghalib