sar miraa kaaT ke pachhtaaiyegaa — Khwaja Mohammad Wazir

phir vahi ham the vahi tum the mohabbat the vahi
sulh kar lete agar aankhein laDaane ke liye

yuun phir rahe hain jaise koi baat hi nahin
aaluda mere khuun se daamaan kiye hue

silsila rakhtaa hai meraa kufr kuchh islaam se
hain kai tasbih ke daane miri zunnaar mein

haath dikhlaa ke ye bolaa vo musalmaan-zaada
ho gayaa dast-e-nigar ab to barahman apnaa

ai buto dar-parda tum se zaahidon ko bhi hai ishq
surat-e-tasbih pinhaan rakhte hain zunnaar ko

yaar tanhaa ghar mein hai afsos lekin ham nahin
huur to hai gulshan-e-firdaus mein aadam nahin