dil ke aaine mein hai tasvir-e-yaar — Lala Mauji Ram Mauji

vaan hinaa-bandi thi aur zulf ko suljhaana thaa
yaan pareshaani thi aur khun-e-jigar khaanaa thaa

jab ki pahlu se yaar uThtaa hai
dard be-ikhtiyaar uThtaa hai

kam-zarf zamaane ki hiqaarat kaa gila kyaa
main khush huun miraa pyaar samundar ki tarah hai

ek hi anjaam hai ai dost husn o ishq kaa
shama bhi bujhti hai parvaanon ke jal jaane ke baad

insaaf ke parde mein ye kyaa zulm hai yaaro
dete ho sazaa aur khataa aur hi kuchh hai

mujh ko manzur nahin ishq ko rusvaa karnaa
hai jigar chaak magar lab pe hansi hai ai dost

tum samundar ki rifaaqat pe bharosa na karo
tishnagi lab pe sajaae hue mar jaaoge