sang-e-rah huun ek Thokar ke liye — Mah Laqa Chanda

garche gul ki sej ho tis par bhi uD jaati hai niind
sar rakhun qadmon pe jab tere mujhe aati hai niind

ba-juz haq ke nahin hai ghair se hargiz tavaqqo kuchh
magar duniyaa ke logon mein mujhe hai pyaar se matlab

gul ke hone ki tavaqqoa pe jiye baiThi hai
har kali jaan ko muTThi mein liye baiThi hai

kabhi sayyaad kaa khaTkaa hai kabhi khauf-e-khizaan
bulbul ab jaan hatheli pe liye baiThi hai

gar mire dil ko churaayaa nahin tu ne zaalim
khol de band hatheli ko dikhaa haathon ko

tiir o talvaar se baDh kar hai tiri tirchhi nigah
saikDon aashiqon kaa khuun kiye baiThi hai