ek jhonkaa tire pahlu kaa mahakti hui yaad — Makhdoom Mohiuddin

hujum-e-baada-o-gul mein hujum-e-yaaraan mein
kisi nigaah ne jhuk kar mire salaam liye

— Makhdoom Mohiuddin

tumhaare jism kaa suraj jahaan jahaan TuuTaa
vahin vahin miri zanjir-e-jaan bhi TuuTi hai

— Makhdoom Mohiuddin

hayaat le ke chalo kaaenaat le ke chalo
chalo to saare zamaane ko saath le ke chalo

— Makhdoom Mohiuddin

aap ki yaad aati rahi raat bhar
chashm-e-nam muskuraati rahi raat bhar

— Makhdoom Mohiuddin

ishq ke shoale ko bhaDkaao ki kuchh raat kaTe
dil ke angaare ko dahkaao ki kuchh raat kaTe

— Makhdoom Mohiuddin

ye tamannaa hai ki uDti hui manzil kaa ghubaar
subh ke parde mein yaad aa gai shaam aahista

— Makhdoom Mohiuddin

mere khvaabon ke jharokon ko sajaate rahiye
na sahi vasl magar yaad to aate rahiye

— Jatinder Vir Yakhmi Jayaveer

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

— Mirza Mohammad Hadi Aziz Lakhnavi

yaad aai hai to phir TuuT ke yaad aai hai
koi guzri hui manzil koi bhuli hui dost

— Ahmad Faraz

koi viraani si viraani hai
dasht ko dekh ke ghar yaad aayaa

— Mirza Ghalib

silvaTein hain mire chehre pe to hairat kyuun hai
zindagi ne mujhe kuchh tum se ziyaada pahnaa

— Ahmad Faraz

ne tiir kamaan mein hai na sayyaad kamin mein
goshe mein qafas ke mujhe aaraam bahut hai

— Mirza Ghalib