ne tiir kamaan mein hai na sayyaad kamin mein — Mirza Ghalib

phir usi bevafaa pe marte hain
phir vahi zindagi hamaari hai

umr bhar dekhaa kiye marne ki raah
mar gae par dekhiye dikhlaaein kyaa

saadgi o purkaari be-khudi o hushyaari
husn ko taghaaful mein jurat-aazmaa paayaa

girni thi ham pe barq-e-tajalli na tuur par
dete hain baada zarf-e-qadah-khvaar dekh kar

naakaami-e-nigaah hai barq-e-nazaaraa-soz
tu vo nahin ki tujh ko tamaashaa kare koi

marte hain aarzu mein marne ki
maut aati hai par nahin aati

mere khvaabon ke jharokon ko sajaate rahiye
na sahi vasl magar yaad to aate rahiye

sab ko ham bhuul gae josh-e-junun mein lekin
ik tiri yaad thi aisi jo bhulaai na gai

jab bhi ghairon ki inaayat dekhi
ham ko apnon ke sitam yaad aae

khair se dil ko tiri yaad se kuchh kaam to hai
vasl ki shab na sahi hijr kaa hangaam to hai

tire badan ke gulistaan ki yaad aati hai
khud apni zaat ke sahraa ko paar karte hue

itni saari yaadon ke hote bhi jab dil mein
viraani hoti hai to hairaani hoti hai