kitni ujlat mein miTaa Daalaa gayaa — Manish Shukla

aakhir ham ko be-zaari tak le aai
har shai par girvida rahne ki aadat

chand lakirein to is darja gahri thiin
dekhne vaalaa Duub gayaa tasviron mein

baat karne kaa hasin taur-tariqa sikhaa
ham ne urdu ke bahaane se saliqa sikhaa

miri aavaargi hi mere hone ki alaamat hai
mujhe phir is safar ke baa'd bhi koi safar denaa

kisi ke ishq mein barbaad honaa
hamein aayaa nahin farhaad honaa

ab apnaa chehra begaana lagtaa hai
ham ko thi sanjida rahne ki aadat