miri aavaargi hi mere hone ki alaamat hai — Manish Shukla

aakhir ham ko be-zaari tak le aai
har shai par girvida rahne ki aadat

chand lakirein to is darja gahri thiin
dekhne vaalaa Duub gayaa tasviron mein

kitni ujlat mein miTaa Daalaa gayaa
aag mein sab kuchh jalaa Daalaa gayaa

baat karne kaa hasin taur-tariqa sikhaa
ham ne urdu ke bahaane se saliqa sikhaa

kisi ke ishq mein barbaad honaa
hamein aayaa nahin farhaad honaa

ab apnaa chehra begaana lagtaa hai
ham ko thi sanjida rahne ki aadat

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

yuun to maujud apne ghar mein hai
aadmi mustaqil safar mein hai

safar mein aise kai marhale bhi aate hain
har ek moD pe kuchh log chhuT jaate hain

miri tamannaa hai ab ke tum phir milo to ji bhar ke muskuraaein
ki dekhnaa hai ye raushni kaa safar bahut der baa'd jaa kar

zamin ki god mein itnaa sukun thaa 'anjum'
ki jo gayaa vo safar ki thakaan bhuul gayaa

asaatiza ne miraa haath thaam rakkhaa hai
isi liye to main pahunchaa huun apni manzil par