jo kabhi divaar pe laTkaai thi — Mansoor Khushtar

yaqin kar ki main tujh se bhi ziyaada chaahtaa us ko
jo mere jaisaa teraa aur koi qadr-daan hotaa

tire jaur-o-jafaa kaa ham kabhi shikva nahin karte
mohabbat jis se karte hain use rusvaa nahin karte

kisi se sarguzisht-e-gham bayaan kartaa huun jab apni
kahaani vo saraasar aap ki maalum hoti hai

thaa jo ik kaafir musalmaan ho gayaa
pal mein viraana gulistaan ho gayaa

naaz-o-andaaz ki qimat hai tire mere sabab
kis ki mahfil mein bhalaa aur ghazab Dhaaoge

tavajjoh aap farmaaein agar to
kuchh ham bhi arz karnaa chaahte hain