thaa jo ik kaafir musalmaan ho gayaa — Mansoor Khushtar

yaqin kar ki main tujh se bhi ziyaada chaahtaa us ko
jo mere jaisaa teraa aur koi qadr-daan hotaa

tire jaur-o-jafaa kaa ham kabhi shikva nahin karte
mohabbat jis se karte hain use rusvaa nahin karte

kisi se sarguzisht-e-gham bayaan kartaa huun jab apni
kahaani vo saraasar aap ki maalum hoti hai

naaz-o-andaaz ki qimat hai tire mere sabab
kis ki mahfil mein bhalaa aur ghazab Dhaaoge

tavajjoh aap farmaaein agar to
kuchh ham bhi arz karnaa chaahte hain

jo kabhi divaar pe laTkaai thi
ab tire kamre ki zinat bhi nahin

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

zamaana mujh se judaa ho gayaa zamaana huaa
rahaa hai ab to bichhaDne ko mujh se tu baaqi

gham hai na ab khushi hai na ummid hai na yaas
sab se najaat paae zamaane guzar gae

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

tumhein fursat ho duniyaa se to ham se aa ke milnaa
hamaare paas fursat ke sivaa kyaa rah gayaa hai

main jis mein rah na sakaa ji-huzuriyon ke sabab
ye aadmi hai usi kaamyaab mausam kaa