mazaaq-e-khud-parasti ek kamzori hai insaan ki — Maya Khanna Raje Barelvi

ik ashk-e-nadaamat se dhul jaate sabhi isyaan
ik ashk-e-nadaamat tak pahunchaa hi nahin koi

vo aur honge jin ko hai fikr-e-ziyaan-o-sud
duniyaa se be-niyaaz hai meri ghazal kaa rang

jo kah rahe the khuun se sincheinge gulsitaan
vo haamiyaan-e-fasl-e-bahaaraan kidhar gae

jo log aa rahe hain tumhaare qarib-tar
muD kar vo su-e-shaam-o-sahar dekhte nahin

nazar kartaa nahin nashsha-labon par
ki jis ke haath paimaane lage hain

har shai se ho ke kyon na rahe be-niyaaz vo
har shai jahaan mein jis ko tamaashaa dikhaai de