jo log aa rahe hain tumhaare qarib-tar — Maya Khanna Raje Barelvi

ik ashk-e-nadaamat se dhul jaate sabhi isyaan
ik ashk-e-nadaamat tak pahunchaa hi nahin koi

mazaaq-e-khud-parasti ek kamzori hai insaan ki
bayaan kar ke haqiqat ye uThaayaa hai ziyaan ham ne

vo aur honge jin ko hai fikr-e-ziyaan-o-sud
duniyaa se be-niyaaz hai meri ghazal kaa rang

jo kah rahe the khuun se sincheinge gulsitaan
vo haamiyaan-e-fasl-e-bahaaraan kidhar gae

nazar kartaa nahin nashsha-labon par
ki jis ke haath paimaane lage hain

har shai se ho ke kyon na rahe be-niyaaz vo
har shai jahaan mein jis ko tamaashaa dikhaai de

aankhon mein meri subh-e-qayaamat gai jhamak
siine se us pari ke jo parda ulaT gayaa

kyaa baDhegaa vo tasavvur ki hadon se aage
subh ko dekh ke yaad aae jise shaam ki baat

tujh se mil ke bhi teraa intizaar rahtaa hai
subh ru-e-khandaan se shaam zulf-e-barham tak

vahi yaksaaniyat-e-shaam-o-sahar hai ki jo thi
zindagi dast-ba-dil khaak-basar hai ki jo thi

subh kaisi hai vahaan shaam ki rangat kyaa hai
ab tire shahr mein haalaat ki surat kyaa hai

ab mire baa'd koi sar bhi nahin hogaa tulua
ab kisi samt se patthar bhi nahin aaegaa