gale mein apne pahnaa hai jo tu ne ai but-e-kaafir — Meer Kallu Arsh

kyaa ghair kyaa aziiz koi nauhagar na ho
ai jaan yuun nikal ki badan tak khabar na ho

— Meer Kallu Arsh

chashm-e-baatin mein se jab zaahir kaa parda uTh gayaa
jo musalmaan thaa vahi hindu nazar aayaa mujhe

— Meer Kallu Arsh

kyaa diyaa bosa lab-e-shirin kaa ho kar tursh-ru
munh huaa miThaa to kyaa dil apnaa khaTTaa ho gayaa

— Meer Kallu Arsh

kaaba kaa aur khaana-e-dil kaa ye haal hai
jaise koi makaan ho makaan ke javaab mein

— Meer Kallu Arsh

hasrat-e-did mein aakhir ko dam apnaa ulTaa
parda-e-chashm na us shokh ne apnaa ulTaa

— Meer Kallu Arsh

nazar kisi ko vo mu-e-kamar nahin aataa
ba-rang-e-taar-e-nazar hai nazar nahin aataa

— Meer Kallu Arsh

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

— Aabid Adeeb

sabza o gul kahaan se aae hain
abr kyaa chiiz hai havaa kyaa hai

— Mirza Ghalib

kuchh phulon ki khaatir bhi kuchh phulon kaa
sab se achchhaa rang churaanaa paDtaa hai

— Nadeem Bhabha

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

— Irfan Sattar

qaatil tiri gali bhi badaun se kam nahin
jis ke qadam qadam pe mazaar-e-shahid hai

— Mushafi Ghulam Hamdani

jaise ye mez miTTi kaa haathi ye phuul
ek kone mein ham bhi hain rakkhe hue

— Shariq Kaifi