hasrat-e-did mein aakhir ko dam apnaa ulTaa — Meer Kallu Arsh

kyaa ghair kyaa aziiz koi nauhagar na ho
ai jaan yuun nikal ki badan tak khabar na ho

chashm-e-baatin mein se jab zaahir kaa parda uTh gayaa
jo musalmaan thaa vahi hindu nazar aayaa mujhe

kyaa diyaa bosa lab-e-shirin kaa ho kar tursh-ru
munh huaa miThaa to kyaa dil apnaa khaTTaa ho gayaa

kaaba kaa aur khaana-e-dil kaa ye haal hai
jaise koi makaan ho makaan ke javaab mein

gale mein apne pahnaa hai jo tu ne ai but-e-kaafir
miri tasbih ko hai rashk zunnaar-e-barahman par

nazar kisi ko vo mu-e-kamar nahin aataa
ba-rang-e-taar-e-nazar hai nazar nahin aataa

bas ek pal ki tamannaa-e-vasl ki khaatir
tamaam 'umr lagaa di gai sanvarne mein

miri tamannaa hai ab ke tum phir milo to ji bhar ke muskuraaein
ki dekhnaa hai ye raushni kaa safar bahut der baa'd jaa kar

na koi phuul hi rakhaa na aarzu na charaagh
tamaam ghar ko bayaabaan kar diyaa main ne

unhin ki hasrat-e-rafta ki yaadgaar huun main
jo log rah gae tanhaa bhari bahaaron mein

kharaab-e-dahr na main khud huaa na tu ne kiyaa
jo kuchh kiyaa tire milne ki aarzu ne kiyaa

Hazaaron khwahishein aisi ke har khwahish pe dam nikle
Bahut nikle mere armaan, lekin phir bhi kam nikle