aa hi kuudaa thaa dair mein vaaiz — Meer Mehdi Majrooh

shaghl-e-ulfat ko jo ahbaab buraa kahte hain
kuchh samajh mein nahin aataa ki ye kyaa kahte hain

itnaa mardud huun ki Dar hai mujhe
qabr se pheink de zamin na kahin

apni kashti kaa hai khudaa haafiz
pichhe tufaan hai saamne girdaab

kyuun paas mire aa kar yuun baiThe ho munh phere
kyaa lab tire misri hain main jin ko chabaa jaataa

sahal ho garche adu ko magar us kaa milnaa
itnaa main khuub samajhtaa huun ki aasaan to nahin

churaa ke muTThi mein dil ko chhupaae baiThe hain
bahaanaa ye hai ki mehndi lagaae baiThe hain