itnaa mardud huun ki Dar hai mujhe — Meer Mehdi Majrooh

churaa ke muTThi mein dil ko chhupaae baiThe hain
bahaanaa ye hai ki mehndi lagaae baiThe hain

shaghl-e-ulfat ko jo ahbaab buraa kahte hain
kuchh samajh mein nahin aataa ki ye kyaa kahte hain

apni kashti kaa hai khudaa haafiz
pichhe tufaan hai saamne girdaab

kyuun paas mire aa kar yuun baiThe ho munh phere
kyaa lab tire misri hain main jin ko chabaa jaataa

sahal ho garche adu ko magar us kaa milnaa
itnaa main khuub samajhtaa huun ki aasaan to nahin

aa hi kuudaa thaa dair mein vaaiz
ham ne Taalaa khudaa khudaa kar ke

bahut Dartaa thaa rone se
so ban kar muttaqi royaa

mire vaaste jaane kyaa laaegi
gai hai havaa ik khanDar ki taraf

bain karti hui samton se na Darnaa 'baani'
aisi aavaazein to is raah mein aam aaeingi

zindagi puchh na baiThe tire baare mein kahin
teri tasvir banaate hue Dar lagtaa hai

is qadar Dar hai maut kaa us ko
jaan de degaa zindagi ke liye

duur tak phailaa huaa hai ek an-jaanaa saa khauf
is se pahle ye samundar is qadar barham na thaa