maqaam-e-aadmi kuchh kam nahin hai — Mehr Zarreen

fanaa ke hosh fanaa hain hamaari vahshat se
vo honge aur ki jin par fanaa kaa zor chale

dil mein miri vahshat ne par jitne nikaale the
main ne unhein bal de kar zanjir banaai hai

basti mein bhi kuchh aise andhere hain jahaan par
jhulse hue jismon kaa shabistaan hain saDkein

raushan hai darakhshaan hai har ashk gharibon kaa
bas in ki badaulat hi har ghar mein divaali hai

aap jo chashm-tar ho gae
saare gham mo'atabar ho gae

ye arsh se aanaa to aaghaaz-e-mohabbat thaa
ab farsh pe aae hain anjaam se kheleinge