dekhein kyaa ab ke asiri hamein dikhlaati hai — Mirza Mohammad Taqi Hawas

talaash is tarah bazm-e-aish mein hai be-nishaanon ki
koi kapDe mein jaise zakhm-e-sozan kaa nishaan DhunDhe

— Mirza Mohammad Taqi Hawas

aashnaa koi nazar aataa nahin yaan ai 'havas'
kis ko main apnaa anis-e-kunj-e-tanhaai karun

— Mirza Mohammad Taqi Hawas

sab ham-safir chhoD ke tanhaa chale gae
kunj-e-qafas mein mujh ko giraftaar dekh kar

— Mirza Mohammad Taqi Hawas

dil mein ik iztiraab baaqi hai
ye nishaan-e-shabaab baaqi hai

— Mirza Mohammad Taqi Hawas

lutf-e-shab-e-mah ai dil us dam mujhe haasil ho
ik chaand baghal mein ho ik chaand muqaabil ho

— Mirza Mohammad Taqi Hawas

sahraa mein 'havas' khaar-e-mughilaan ki madad se
baare miraa khuun har khas-o-khaashaak ko pahunchaa

— Mirza Mohammad Taqi Hawas

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

— Aabid Adeeb

sabza o gul kahaan se aae hain
abr kyaa chiiz hai havaa kyaa hai

— Mirza Ghalib

kuchh phulon ki khaatir bhi kuchh phulon kaa
sab se achchhaa rang churaanaa paDtaa hai

— Nadeem Bhabha

qaatil tiri gali bhi badaun se kam nahin
jis ke qadam qadam pe mazaar-e-shahid hai

— Mushafi Ghulam Hamdani

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

— Irfan Sattar

gul kiyaa jis ne vo thaa aur magar
shama ne shikva havaaon se kiyaa

— Tilok Chand Kausar