gul kiyaa jis ne vo thaa aur magar — Tilok Chand Kausar

vo ta'alluq bhi thaa kitnaa maasum
ham ne paidaa jo khataaon se kiyaa

ek jumbish si sitaaron mein hui
jab tiraa zikr fazaaon se kiyaa

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

ghazal mein jab talak ehsaas ki shiddat na ho shaamil
faqat alfaaz ki kaarigari mahsus hoti hai

maarka garm to ho lene do khun-rezi kaa
pahle shamshir ke niche hamin jaa baiTheinge

aazmaanaa hai to aa baazu o dil ki quvvat
tu bhi shamshir uThaa ham bhi ghazal kahte hain

zindagi bhi mire naalon ki shanaasaa nikli
dil jo TuuTaa to mire ghar mein koi shama jali

thi yuun to shaam-e-hijr magar pichhli raat ko
vo dard uThaa 'firaaq' ki main muskuraa diyaa