Mirza Mohammad Taqi Hawas

dil men ik iztirab baaqi hai
ye nishan-e-shabab baaqi hai

lutf-e-shab-e-mah ai dil us dam mujhe hasil ho
ik chand baghal men ho ik chand muqabil ho

tez rakhiyo sar-e-har-khar ko ai dasht-e-junun
shayad aa jaa.e koi abla-pa mere ba.ad

ya khafa hote the ham to minnaten karte the aap
ya khafa hain ham se vo aur ham mana sakte nahin

sab ham-safir chhoD ke tanha chale ga.e
kunj-e-qafas men mujh ko giraftar dekh kar

hargiz na mire mahram-e-hamraz hue tum
a.ine men apne hi nazar-baz hue tum

talaash is tarah bazm-e-aish mein hai be-nishaanon ki
koi kapDe mein jaise zakhm-e-sozan kaa nishaan DhunDhe

aashnaa koi nazar aataa nahin yaan ai 'havas'
kis ko main apnaa anis-e-kunj-e-tanhaai karun

sab ham-safir chhoD ke tanhaa chale gae
kunj-e-qafas mein mujh ko giraftaar dekh kar

dekhein kyaa ab ke asiri hamein dikhlaati hai
log kahte hain ki phir fasl-e-bahaar aati hai

dil mein ik iztiraab baaqi hai
ye nishaan-e-shabaab baaqi hai

sahraa mein 'havas' khaar-e-mughilaan ki madad se
baare miraa khuun har khas-o-khaashaak ko pahunchaa