shaayad jali hain phir kahin nazdik bastiyaan — Munawwar Rana

kisi ke zakhm par chaahat se paTTi kaun baandhegaa
agar bahnein nahin hongi to raakhi kaun baandhegaa

— Munawwar Rana

kuchh nahin hogaa to aanchal mein chhupaa legi mujhe
maan kabhi sar pe khuli chhat nahin rahne degi

— Munawwar Rana

ab aap ki marzi hai sambhaalein na sambhaalein
khushbu ki tarah aap ke rumaal mein ham hain

— Munawwar Rana

kuchh bikhri hui yaadon ke qisse bhi bahut the
kuchh us ne bhi baalon ko khulaa chhoD diyaa thaa

— Munawwar Rana

jab bhi kashti miri sailaab mein aa jaati hai
maan duaa karti hui khvaab mein aa jaati hai

— Munawwar Rana

miTTi kaa badan kar diyaa miTTi ke havaale
miTTi ko kahin taaj-mahal mein nahin rakkhaa

— Munawwar Rana

donon ke dil mein khauf thaa maidaan-e-jang mein
donon kaa khauf faasla thaa darmiyaan kaa

— Mohammad Alvi

leaderi chaaho to lafz-e-qaum hai mehmaan-navaaz
gap-navison ko aur ahl-e-mez ko raazi karo

— Akbar Allahabadi

nayaa saal divaar par Taang de
puraane baras kaa calendar giraa

— Mohammad Alvi

phir is mazaaq ko jamhuriyat kaa naam diyaa
hamein Daraane lage vo hamaari taaqat se

— Nomaan Shauque

yaan ziist kaa khatra nahin haan khinchiye talvaar
vo ghair thaa jo dekh ke samsaam Dare thaa

— Jurat Qalandar Bakhsh

laDkhaDaa kar gir paDi unchi imaarat dafatan
dafatan taamir ki kursi pe khanDar jam gayaa

— Ehteram Islam