nayaa saal divaar par Taang de — Mohammad Alvi

sadiyon se kinaare pe khaDaa suukh rahaa hai
is shahr ko dariyaa mein giraa denaa chaahiye

sardi mein din sard milaa
har mausam bedard milaa

andheraa hai kaise tiraa khat paDhun
lifaafe mein kuchh raushni bhej de

maanaa ki tu zahin bhi hai khub-ru bhi hai
tujh saa na main huaa to bhalaa kyaa buraa huaa

nazron se naaptaa hai samundar ki vusatein
saahil pe ik shakhs akelaa khaDaa huaa

aaj phir mujh se kahaa dariyaa ne
kyaa iraada hai bahaa le jaaun

kirshn 'mohan' ye bhi hai kaisaa akelaa-pan ki log
maut se Darte hain main to zindagi se Dar gayaa

shaikh mujh ko na Daraa apni musalmaani thaam
ham faqiron kaa kisi rang se imaan na jaae

dil hi to hai siyaasat-e-darbaan se Dar gayaa
main aur jaaun dar se tire bin sadaa kiye

leader jo nazar aae to bolo ye adab se
taqrir mein tum garmi-e-whiskey se jilaa do

baazaar hain khaamosh to galiyon pe hai sakta
ab shahr mein tanhaai kaa Dar bol rahaa hai

kaun jaane kis ghaDi yaan kyaa se kyaa ho kar rahe
khauf saa ik darmiyaan hotaa hai tere shahr mein