donon ke dil mein khauf thaa maidaan-e-jang mein — Mohammad Alvi

main us ke badan ki muqaddas kitaab
nihaayat aqidat se paDhtaa rahaa

kamre mein maze ki raushni ho
achchhi si koi kitaab dekhun

nayaa saal divaar par Taang de
puraane baras kaa calendar giraa

aur baazaar se kyaa le jaaun
pahli baarish kaa mazaa le jaaun

bulaa rahaa thaa koi chikh chikh kar mujh ko
kuein mein jhaank ke dekhaa to main hi andar thaa

us se bichhaDte vaqt main royaa thaa khub-saa
ye baat yaad aai to pahron hansaa kiyaa

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

saunp kar khaana-e-dil gham ko kidhar jaate ho
phir na paaoge agar us ne ye ghar chhoD diyaa

jo dil ne kahi lab pe kahaan aai hai dekho
ab mahfil yaaraan mein bhi tanhaai hai dekho

aql ne tark-e-taalluq ko ghanimat jaanaa
dil ko badle hue haalaat pe ronaa aayaa

tire ghayaab ko maujud mein badalte hue
kabhi main khud ko tire naam se bulaataa huaa