hazaaron baar sinchaa hai ise khun-e-rag-e-jaan se — Muzaffar Ahmad Muzaffar

main jab bhuke parinde dekhtaa huun apne aangan mein
mujhe apne vatan ke nange bachche yaad aate hain

— Muzaffar Ahmad Muzaffar

ham talkhi-e-hayaat ko aasaan na kar sake
sahraa-e-zindagi ko gulistaan na kar sake

— Muzaffar Ahmad Muzaffar

musalmaan thaa magar teri adaa-e-fitna-parvar ne
dikhaa kar kaakul-e-pechaan mujhe kaafir banaa Daalaa

— Muzaffar Ahmad Muzaffar

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

— Aabid Adeeb

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

— Irfan Sattar

kuchh phulon ki khaatir bhi kuchh phulon kaa
sab se achchhaa rang churaanaa paDtaa hai

— Nadeem Bhabha

sabza o gul kahaan se aae hain
abr kyaa chiiz hai havaa kyaa hai

— Mirza Ghalib

qaatil tiri gali bhi badaun se kam nahin
jis ke qadam qadam pe mazaar-e-shahid hai

— Mushafi Ghulam Hamdani

phuul kar le nibaah kaanTon se
aadmi hi na aadmi se mile

— Khumar Barabankavi