ye tiri guftugu kaa lamha hai — Nadeem Bhabha

kuchh phulon ki khaatir bhi kuchh phulon kaa
sab se achchhaa rang churaanaa paDtaa hai

phir mujhe khud bhi khabar ho na saki main huun kahaan
aakhiri baar tire gaanv mein dekhaa gayaa huun

charaagh dafn kiye the 'nadim' qabron mein
zamin se chaand numudaar ho gae saahib

khudaa ki tarah koi aadmi bhi hai shaayad
nazar jo aataa nahin aas-paas ho kar bhi

ai mujhe khvaab dikhaate hue logo sun lo
meraa dukh ye hai koi khvaab nahin bhultaa main

tum ne jab us ki baat ki tum pe bhi pyaar aa gayaa
chumaa nahin tumhein miyaan garche maqaam thaa zarur