ham apne aap mein gum jaa rahe the — Neelma Naheed Durrani

aurat apnaa aap bachaae tab bhi mujrim hoti hai
aurat apnaa aap ganvaae tab bhi mujrim hoti hai

koi to aae khizaan mein patte ugaane vaalaa
gulon ki khushbu ko qaid karnaa koi to sikhe

shabnam tumhaare sahn mein roi tamaam raat
lekin har ek phuul kaa chehra nikhar gayaa

main ne suraj chaand sitaare tere naam likhe hain
jag mein jitne phuul hain saare tere naam likhe hain

mohabbat ki hamein fursat nahin thi
jamaal-e-yaar ne chaunkaa diyaa thaa