barf-manzar dhuul ke baadal havaa ke qahqahe — P P Srivastava Rind

surkh mausam ki kahaani to puraani ho gai
khul gayaa mausam to saare shahr mein charchaa huaa

— P P Srivastava Rind

aastinon mein chhupaa kar saanp bhi laae the log
shahr ki is bhiiD mein kuchh log baazigar bhi the

— P P Srivastava Rind

koi dastak na koi aahaT thi
muddaton vahm ke shikaar the ham

— P P Srivastava Rind

maanaa ki zalzala thaa yahaan kam bahut hi kam
basti mein bach gae the makaan kam bahut hi kam

— P P Srivastava Rind

aasudgi ne thapkiyaan de kar sulaa diyaa
ghar ki zaruraton ne jagaayaa to Dar lagaa

— P P Srivastava Rind

khvaahishon ki aanch mein tapte badan ki lazzatein hain
aur vahshi raat hai gumraahiyaan sar par uThaae

— P P Srivastava Rind

main baDaa ho gayaa huun magar bachpanaa
mere dil se kabhi bhi gayaa hi nahin

— Divyansh Rawat

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

— Mirza Mohammad Hadi Aziz Lakhnavi

unhein apne dil ki khabrein mire dil se mil rahi hain
main jo un se ruuTh jaaun to payaam tak na pahunche

— Shakeel Badayuni

chaand ne taan li hai chaadar-e-abr
ab vo kapDe badal rahi hogi

— Jaun Elia

havaa shaakhon mein rukne aur ulajhne ko hai is lamhe
guzarte baadalon mein chaand haail hone vaalaa hai

— Zafar Iqbal

us ke munh pe mukar gayaa thaa dil
aaj had se guzar gayaa thaa dil

— Divyansh Rawat