aasudgi ne thapkiyaan de kar sulaa diyaa — P P Srivastava Rind

surkh mausam ki kahaani to puraani ho gai
khul gayaa mausam to saare shahr mein charchaa huaa

aastinon mein chhupaa kar saanp bhi laae the log
shahr ki is bhiiD mein kuchh log baazigar bhi the

koi dastak na koi aahaT thi
muddaton vahm ke shikaar the ham

maanaa ki zalzala thaa yahaan kam bahut hi kam
basti mein bach gae the makaan kam bahut hi kam

khvaahishon ki aanch mein tapte badan ki lazzatein hain
aur vahshi raat hai gumraahiyaan sar par uThaae

barf-manzar dhuul ke baadal havaa ke qahqahe
jo kabhi dahliz ke baahar the vo andar bhi the

donon ke dil mein khauf thaa maidaan-e-jang mein
donon kaa khauf faasla thaa darmiyaan kaa

leaderi chaaho to lafz-e-qaum hai mehmaan-navaaz
gap-navison ko aur ahl-e-mez ko raazi karo

phir is mazaaq ko jamhuriyat kaa naam diyaa
hamein Daraane lage vo hamaari taaqat se

meraa azm itnaa buland hai ki paraae sholon kaa Dar nahin
mujhe khauf aatish-e-gul se hai ye kahin chaman ko jalaa na de

yaan ziist kaa khatra nahin haan khinchiye talvaar
vo ghair thaa jo dekh ke samsaam Dare thaa

tu kaun hai ai vaaiz jo mujh ko Daraataa hai
main ki bhi hain to ki hain allaah ki taqsirein