jaane kyuun log miraa naam paDhaa karte hain — Prem Bhandari

khel-kud kar shaam Dhale kyuun
apne ghar ko jaati dhuup

— Prem Bhandari

aag lagaai tum ne hi to
logon ne to sirf havaa di

— Prem Bhandari

chhupi hai an-ginat chingaariyaan lafzon ke daaman mein
zaraa paDhnaa ghazal ki ye kitaab aahista aahista

— Prem Bhandari

shaam hui to suraj soche
saaraa din bekaar jale the

— Prem Bhandari

teri chaahat ki hai itni shiddat
paa liyaa tujh ko to mar jaaungaa

— Prem Bhandari

saari saari raat main jaagaa
vo meri aankhon mein soyaa

— Prem Bhandari

kyon tasavvur mein ji rahaa huun main
jab haqiqat mein mar hi jaanaa hai

— Divyansh Rawat

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

— Aabid Adeeb

jism-e-aazaadi mein phunki tu ne majburi ki ruuh
khair jo chaahaa kiyaa ab ye bataa ham kyaa karein

— Fani Badayuni

ijz-o-niyaaz apnaa apni taraf hai saaraa
is musht-e-khaak ko ham masjud jaante hain

— Mir Taqi Mir

vahaan hamaaraa koi muntazir nahin phir bhi
hamein na rok ki ghar jaanaa chaahte hain ham

— Wali Aasi

umr bhar kaun nibhaataa hai ta'alluq itnaa
ai miri jaan ke dushman tujhe allaah rakkhe

— Ahmad Faraz