mujh se qafas kaa darvaaza kyaa TuTegaa — Reshma Zaidi

ai kuza-gar de shakl mujhe ik charaagh ki
jis se kisi dayaar ko raushan main kar sakun

miri hatheli pe jo hijr ki lakirein hain
tire visaal se har vaqt rokti hain mujhe

chalo khizaaon mein zikr-e-bahaar karte hain
ki be-qaraar tabi'at ko kuchh qaraar aae

jism thak haar ke so jaataa hai har shab lekin
zehn ke vaaste bistar nahin hotaa koi

pahle to tasvir banaati huun teri
phir teri tasvir mein khoi rahti huun