ai kuza-gar de shakl mujhe ik charaagh ki — Reshma Zaidi

mujh se qafas kaa darvaaza kyaa TuTegaa
paanv paDi zanjir mein khoi rahti huun

miri hatheli pe jo hijr ki lakirein hain
tire visaal se har vaqt rokti hain mujhe

chalo khizaaon mein zikr-e-bahaar karte hain
ki be-qaraar tabi'at ko kuchh qaraar aae

jism thak haar ke so jaataa hai har shab lekin
zehn ke vaaste bistar nahin hotaa koi

pahle to tasvir banaati huun teri
phir teri tasvir mein khoi rahti huun

jab ki pahlu se yaar uThtaa hai
dard be-ikhtiyaar uThtaa hai

ye vaqt kaifiyaat se bhartaa nahin kabhi
ye jaam ikhtiyaar nahin kar rahaa huun main

vo habib ho ki rahbar vo raqib ho ki rahzan
jo dayaar-e-dil se guzre use ham-kalaam kar lo

tazkire mein tire ik naam ko yuun joD diyaa
doston ne mujhe shishe ki tarah toD diyaa

idhar aa ham dikhaate hain ghazal kaa aaina tujh ko
ye kis ne kah diyaa gesu tire barham nahin pyaare

dushmanon se pashemaan honaa paDaa hai
doston kaa khulus aazmaane ke baad