chhup jaaein kahin aa ki bahut tez hai baarish — Saba Ikram

pyaaso raho na dasht mein baarish ke muntazir
maaro zamin pe paanv ki paani nikal paDe

vo gulaabi baadalon mein ek niili jhiil si
hosh qaaem kaise rahte thaa hi kuchh aisaa libaas

'saabir' teraa kalaam sunein kyuun na ahl-e-fan
bandish ajab hai aur ajab bol chaal hai

shagufta baagh-e-sukhan hai hamin se ai 'saabir'
jahaan mein misl-e-nasim-e-bahaar ham bhi hain

tum ne kyuun dil mein jagah di hai buton ko 'saabir'
tum ne kyuun kaaba ko but-khaana banaa rakkhaa hai

ik dhuup si tani hui baadal ke aar-paar
ik pyaas hai ruki hui jharne ke baavajud