jab bhi tiri qurbat ke kuchh imkaan nazar aae — Sadique Naseem

tumhaaraa naam kisi ajnabi ke lab par thaa
zaraa si baat thi dil ko magar lagi hai bahut

— Sadique Naseem

zinda rahne ke the jitne uslub
zindagi kaT gai tab yaad aae

— Sadique Naseem

gham hai na ab khushi hai na ummid hai na yaas
sab se najaat paae zamaane guzar gae

— Khumar Barabankavi

kaun si aisi kami mere khad-o-khaal mein hai
aaina khush nahin hotaa kabhi mil kar mujh se

— Afzal Gauhar Rao

ye zindagi hai apni kabhi khush kabhi udaas
is kashmakash se mujh ko khudaayaa rihaai de

— Zebunnisaa Zaibii

ishq udaasi ke paighaam to laataa rahtaa hai din raat
lekin ham ko khush rahne ki aadat bahut ziyaada hai

— Zafar Iqbal

vo kuchh muskuraanaa vo kuchh jheinp jaanaa
javaani adaaein sikhaati hain kyaa kyaa

— Bekhud Dehlvi

tum aake lauT gae phir bhi ho yahin maujud
tumhaare jism ki khushbu mire makaan mein hai

— Abbas Dana