aji pheinko raqib kaa naama — Sakhi Lakhnvi

na aashiq hain zamaane mein na maashuq
idhar ham rah gae hain aur udhar aap

baat karne mein honT laDte hain
aise takraar kaa khudaa-haafiz

dard ko gurda taDapne ko jigar
hijr mein sab hain magar dil to nahin

dafn ham ho chuke to kahte hain
is gunahgaar kaa khudaa-haafiz

mire laashe ko kaandhaa de ke bole
chalo turbat mein ab tum ko sulaaein

ham un se aaj kaa shikva kareinge
ukhaaDeinge vo barson ki gaDi baat