aa rahaa huun nasihatein le kar — Sarfraz Zahid

khiDki se jhaank kar kisi ne
manzar ko vaaqia banaayaa

kunein ki samt bulaa le na koi khvaab mujhe
main apne baap kaa sab se hasin beTaa huun

sab ko qudrat thi khush-kalaami par
khaamushi mein zabaan-daraaz thaa main

dukh se do chaar saal chhoTaa huun
hijr se ek din baDaa huun

mohabbat aam saa ik vaaqia thaa
hamaare saath pesh aane se pahle

zinda ikaTThe ho rahe hain
lagtaa hai koi mar gayaa hai