kunein ki samt bulaa le na koi khvaab mujhe — Sarfraz Zahid

khiDki se jhaank kar kisi ne
manzar ko vaaqia banaayaa

sab ko qudrat thi khush-kalaami par
khaamushi mein zabaan-daraaz thaa main

dukh se do chaar saal chhoTaa huun
hijr se ek din baDaa huun

mohabbat aam saa ik vaaqia thaa
hamaare saath pesh aane se pahle

aa rahaa huun nasihatein le kar
us se kahnaa abhi javaan rahe

zinda ikaTThe ho rahe hain
lagtaa hai koi mar gayaa hai

mere khvaabon ke jharokon ko sajaate rahiye
na sahi vasl magar yaad to aate rahiye

hasin khvaab ko sachchaa samajh rahaa hai koi
faqat gumaan ko duniyaa samajh rahaa hai koi

zalzala aayaa makaan girne lagaa
niind mein ik khvaab-daan girne lagaa

bajaa hai khvaab-navardi pa khvaab aaise hon
khule jo aankh to apnaa hi ghar khanDar na lage

tamiz-e-khvaab-o-haqiqat hai shart-e-bedaari
khayaal-e-azmat-e-maazi ko chhoD haal ko dekh

dasht jaisi ujaaD hain aankhein
in darichon se khvaab kyaa jhaankein