na saath deingi ye dam toDti hui shamein — Shahid Siddiqui

tamaam umr tiraa intizaar kar leinge
magar ye ranj rahegaa ki zindagi kam hai

— Shahid Siddiqui

ek pal ke rukne se duur ho gai manzil
sirf ham nahin chalte raaste bhi chalte hain

— Shahid Siddiqui

uruj-e-maah ko insaan samajh gayaa lekin
hanuz azmat-e-insaan se aagahi kam hai

— Shahid Siddiqui

qarib o duur se aati hai aap ki aavaaz
kabhi bahut hai gham-e-justuju kabhi kam hai

— Shahid Siddiqui

ab hayaat-e-insaan kaa hashr dekhiye kyaa ho
mil gayaa hai qaatil ko mansab-e-masihaai

— Shahid Siddiqui

ye kaisi mauj-e-karam thi nigaah-e-saaqi mein
ki us ke baa'd se tufaan-e-tishnagi kam hai

— Shahid Siddiqui

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

— Mirza Mohammad Hadi Aziz Lakhnavi

ghulaami mein na kaam aati hain shamshirein na tadbirein
jo ho zauq-e-yaqin paidaa to kaT jaati hain zanjirein

— Allama Iqbal

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

— Parveen Shakir

nahin vo sham-e-mohabbat rahi to phir 'aasim'
ye kis duaa se mire ghar mein raushni si hai

— Asim Wasti

maarka garm to ho lene do khun-rezi kaa
pahle shamshir ke niche hamin jaa baiTheinge

— Mir Taqi Mir

vaqt hai ab namaaz-e-maghrib kaa
chaand rukh lab shafaq hai gesu shaam

— Siraj Aurangabadi