ek pal ke rukne se duur ho gai manzil — Shahid Siddiqui

tamaam umr tiraa intizaar kar leinge
magar ye ranj rahegaa ki zindagi kam hai

— Shahid Siddiqui

na saath deingi ye dam toDti hui shamein
nae charaag jalaao ki raushni kam hai

— Shahid Siddiqui

uruj-e-maah ko insaan samajh gayaa lekin
hanuz azmat-e-insaan se aagahi kam hai

— Shahid Siddiqui

qarib o duur se aati hai aap ki aavaaz
kabhi bahut hai gham-e-justuju kabhi kam hai

— Shahid Siddiqui

ab hayaat-e-insaan kaa hashr dekhiye kyaa ho
mil gayaa hai qaatil ko mansab-e-masihaai

— Shahid Siddiqui

ye kaisi mauj-e-karam thi nigaah-e-saaqi mein
ki us ke baa'd se tufaan-e-tishnagi kam hai

— Shahid Siddiqui

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

— Aabid Adeeb

miri tamannaa hai ab ke tum phir milo to ji bhar ke muskuraaein
ki dekhnaa hai ye raushni kaa safar bahut der baa'd jaa kar

— Jafar Shirazi

kin manzilon luTe hain mohabbat ke qaafile
insaan zamin pe aaj gharib-ul-vatan saa hai

— Ada Jafarey

safar mein aise kai marhale bhi aate hain
har ek moD pe kuchh log chhuT jaate hain

— Aabid Adeeb

dimaagh un ke tajassus mein jism ghar mein rahaa
main apne ghar hi mein rahte hue safar mein rahaa

— Anjum Siddiqui

yaad aai hai to phir TuuT ke yaad aai hai
koi guzri hui manzil koi bhuli hui dost

— Ahmad Faraz