bahut himmat kaa hai ye kaam 'shaariq' — Shariq Kaifi

bahut hasin raat hai magar tum to so rahe ho
nikal ke kamre se ik nazar chaandni to dekho

— Shariq Kaifi

vo basti naa-khudaaon ki thi lekin
mile kuchh Dubne vaale vahaan bhi

— Shariq Kaifi

jaise ye mez miTTi kaa haathi ye phuul
ek kone mein ham bhi hain rakkhe hue

— Shariq Kaifi

kis tarah aae hain is pahli mulaaqaat talak
aur mukammal hai judaa hone ki tayyaari bhi

— Shariq Kaifi

kahin na thaa vo dariyaa jis kaa saahil thaa main
aankh khuli to ik sahraa ke muqaabil thaa main

— Shariq Kaifi

manzilon par ham milein ye tai huaa
vaapsi mein saath pakkaa kar liyaa

— Shariq Kaifi

zindagi phaili hui thi shaam-e-hijraan ki tarah
kis ko itnaa hausla thaa kaun ji kar dekhtaa

— Ahmad Faraz

gham-e-aarzu kaa 'hasrat' sabab aur kyaa bataaun
miri himmaton ki pasti mire shauq ki bulandi

— Hasrat Mohani

kuchh log jo savaar hain kaaghaz ki naav par
tohmat taraashte hain havaa ke dabaav par

— Ehsan Danish Kandhlvi

apne hi fan ki aag mein jalte rahe 'shamim'
honTon pe sab ke hausla-afzaai rah gai

— Farooq Shamim

shaa'iri kyaa hai miri jaan tujhe maa'lum nahin
ek tohmat hai jo mujh par bhi lagaa di gai hai

— Haneef Najmi

ahl-e-himmat ko balaaon pe hansi aati hai
nang-e-hasti hai musibat mein pareshaan honaa

— Sikandar Ali Wajd