ham taalib-e-shohrat hain hamein nang se kyaa kaam — Shefta Mustafa Khan

itni na baDhaa paaki-e-daamaan ki hikaayat
daaman ko zaraa dekh zaraa band-e-qabaa dekh

izhaar-e-ishq us se na karnaa thaa 'sheftaa'
ye kyaa kiyaa ki dost ko dushman banaa diyaa

hazaar daam se niklaa huun ek jumbish mein
jise ghurur ho aae kare shikaar mujhe

shaayad isi kaa naam mohabbat hai 'sheftaa'
ik aag si hai siine ke andar lagi hui

jis lab ke ghair bose lein us lab se 'sheftaa'
kambakht gaaliyaan bhi nahin mere vaaste

fasaane yuun to mohabbat ke sach hain par kuchh kuchh
baDhaa bhi dete hain ham zeb-e-daastaan ke liye