izhaar-e-ishq us se na karnaa thaa 'sheftaa' — Shefta Mustafa Khan

ham taalib-e-shohrat hain hamein nang se kyaa kaam
badnaam agar honge to kyaa naam na hogaa

itni na baDhaa paaki-e-daamaan ki hikaayat
daaman ko zaraa dekh zaraa band-e-qabaa dekh

hazaar daam se niklaa huun ek jumbish mein
jise ghurur ho aae kare shikaar mujhe

shaayad isi kaa naam mohabbat hai 'sheftaa'
ik aag si hai siine ke andar lagi hui

jis lab ke ghair bose lein us lab se 'sheftaa'
kambakht gaaliyaan bhi nahin mere vaaste

fasaane yuun to mohabbat ke sach hain par kuchh kuchh
baDhaa bhi dete hain ham zeb-e-daastaan ke liye

sabhi se jab mohabbat chaahte ho
mohabbat kyon nahin karte sabhi se

husn jalva dikhaa gayaa apnaa
ishq baiThaa rahaa udaas kahin

marnaa to bahut sahal si ik baat lage hai
jiinaa hi mohabbat mein karaamaat lage hai

ye kahnaa thaa un se mohabbat hai mujh ko
ye kahne mein mujh ko zamaane lage hain

sulh-e-kul mein miri guzre hai mohabbat ke biich
na to takraar hai kaafir se na din-daar se bahs

aai hai tire ishq ki baazi dil-o-jaan par
is vaqt nazar kab hai mujhe sud-o-ziyaan par