shaayad isi kaa naam mohabbat hai 'sheftaa' — Shefta Mustafa Khan

ham taalib-e-shohrat hain hamein nang se kyaa kaam
badnaam agar honge to kyaa naam na hogaa

itni na baDhaa paaki-e-daamaan ki hikaayat
daaman ko zaraa dekh zaraa band-e-qabaa dekh

izhaar-e-ishq us se na karnaa thaa 'sheftaa'
ye kyaa kiyaa ki dost ko dushman banaa diyaa

hazaar daam se niklaa huun ek jumbish mein
jise ghurur ho aae kare shikaar mujhe

jis lab ke ghair bose lein us lab se 'sheftaa'
kambakht gaaliyaan bhi nahin mere vaaste

fasaane yuun to mohabbat ke sach hain par kuchh kuchh
baDhaa bhi dete hain ham zeb-e-daastaan ke liye

sabhi se jab mohabbat chaahte ho
mohabbat kyon nahin karte sabhi se

husn jalva dikhaa gayaa apnaa
ishq baiThaa rahaa udaas kahin

dil ki zamin par miri 'ishq hai dasht-e-daaimi
hijr-o-visaal sab ke sab mausamiyaati haadse

ham aur farhaad bahr-e-ishq mein baaham hi kuude the
jo us ke sar se guzraa aab meri taa-kamar aayaa

yaa husn hai naa-vaaqif-e-pindaar-e-mohabbat
yaa ishq hi aasaani-e-atvaar mein gum hai

tu dard bhi duaa bhi tu zakhm bhi davaa bhi
shikve bhi hain tujhi se aur pyaar bhi tujhi se