'arzi insaaf ki ham ne bhi lagaa rakkhi hai — Shehzad Anjum Burhani

aaj ki raat hai bahut bhaari
aaj ki raat bas guzar jaae

dil ki hi kisi baat ko tahrir na kar paae
likhne pe jab aae the to kyaa kyaa nahin likkhaa

ye kyaa ki khayaalon se uDi jaati hai khushbu
main ne to abhi tak use sochaa bhi nahin hai

zamaana jin ki qayaadat mein gaamzan thaa vo log
bhaTak gae tiri aankhon ki rahnumaai mein

vo phuul hai to use jaan tak karo mahsus
vo chaand hai to andheraa baDhaa ke dekhaa jaae

abhi se falsafa-e-reg-zaar ki baatein
abhi to 'ishq ke maktab mein haaziri hui hai