koi ham se khafaa saa lagtaa hai — Shiv Ratan Lal Barq Punchhwi

chaahe divaana kahein yaa log saudaai kahein
aa gae ham sar ko le kar pattharon ke shahr mein

— Shiv Ratan Lal Barq Punchhwi

mohabbat ko bahut hoti hai ghairat
khataa un ki hai main sharmaa rahaa huun

— Shiv Ratan Lal Barq Punchhwi

kahin aansuon se likhaa huaa kahin aansuon se miTaa huaa
lauh-e-dil pe jis ke nishaan hain vahi ek naam qubul hai

— Shiv Ratan Lal Barq Punchhwi

saath teraa rahaa nahin baaqi
varna duniyaa mein kyaa nahin baaqi

— Shiv Ratan Lal Barq Punchhwi

ik daaimi sukun ki tamannaa hai raat din
tang aa gae hain gardish-e-shaam-o-sahar se ham

— Shiv Ratan Lal Barq Punchhwi

vo nikle hain saraapaa ban-sanvar kar
qayaamat aaegi ye aaj tai hai

— Shiv Ratan Lal Barq Punchhwi

main baDaa ho gayaa huun magar bachpanaa
mere dil se kabhi bhi gayaa hi nahin

— Divyansh Rawat

unhein apne dil ki khabrein mire dil se mil rahi hain
main jo un se ruuTh jaaun to payaam tak na pahunche

— Shakeel Badayuni

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

— Mirza Mohammad Hadi Aziz Lakhnavi

havaa shaakhon mein rukne aur ulajhne ko hai is lamhe
guzarte baadalon mein chaand haail hone vaalaa hai

— Zafar Iqbal

us ke munh pe mukar gayaa thaa dil
aaj had se guzar gayaa thaa dil

— Divyansh Rawat

khudaa ke haath mein mat saunp saare kaamon ko
badalte vaqt pe kuchh apnaa ikhtiyaar bhi rakh

— Nida Fazli