saath teraa rahaa nahin baaqi — Shiv Ratan Lal Barq Punchhwi

chaahe divaana kahein yaa log saudaai kahein
aa gae ham sar ko le kar pattharon ke shahr mein

mohabbat ko bahut hoti hai ghairat
khataa un ki hai main sharmaa rahaa huun

koi ham se khafaa saa lagtaa hai
varna dil kyuun bujhaa saa lagtaa hai

kahin aansuon se likhaa huaa kahin aansuon se miTaa huaa
lauh-e-dil pe jis ke nishaan hain vahi ek naam qubul hai

ik daaimi sukun ki tamannaa hai raat din
tang aa gae hain gardish-e-shaam-o-sahar se ham

vo nikle hain saraapaa ban-sanvar kar
qayaamat aaegi ye aaj tai hai