har ek rasta-e-paayaab se nikalnaa hai — Tahir Adeem

hain dastaras mein abhi bhi 'taahir' uThaa ke ab is ko pi bhi Daalo
mushaahidon mein hi ho gai gar ye ThanDi chaae to kyaa karoge

— Tahir Adeem

faqat tum hi nahin naaraaz mujh se jaan-e-jaanaan
mire andar kaa insaan tak khafaa hai intihaa hai

— Tahir Adeem

mujhe vo chhoD kar jab se gayaa hai intihaa hai
rag-o-pai mein fazaa-e-karbalaa hai intihaa hai

— Tahir Adeem

rang kyaa ajab diyaa meri bevafaai ko
us ne yuun kiyaa ki mere khat jalaae uud mein

— Tahir Adeem

khirad ke laakh qaasid hain to honge
junun kaa naama-bar koi nahin hai

— Tahir Adeem

havaadis bhi vahin ham bhi vahin hain
magar ab chashm-e-tar koi nahin hai

— Tahir Adeem

kam-umri mein sunet hain
mar jaate hain achchhe log

— Malikzada Javed

baDe qalaq ki baat hai ki tum ise na paDh sake
hamaari zindagi to ik khuli hui kitaab thi

— Nazim Sultanpuri

apne man mein Duub kar paa jaa suraagh-e-zindagi
tu agar meraa nahin bantaa na ban apnaa to ban

— Allama Iqbal

zindagi ke bahut qarib na jaa
faasla kuchh to apne dhyaan mein rakh

— Akmal Imaam

umr bhar kaun nibhaataa hai ta'alluq itnaa
ai miri jaan ke dushman tujhe allaah rakkhe

— Ahmad Faraz

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

— Arshad Jamal Sarim