kuchh der mere ghar se bahaarein khafaa rahin — Zahid Azeem Zahid

ab maangne pe chhaaon bhi dete nahin mujhe
paude jo apne khuun se main sinchtaa rahaa

— Zahid Azeem Zahid

jo kahtaa thaa tire bin mar rahaa huun
vo kaise ji rahaa hai sochtaa huun

— Zahid Azeem Zahid

kaanTon mein qaid phuul se girne se peshtar
shabnam kaa qatra der talak kaanptaa rahaa

— Zahid Azeem Zahid

so gae hain phuul bhi Tahni kaa jhulaa jhulte
loriyaan koi sunaae shaam peDon ke tale

— Zahid Azeem Zahid

main huun ik shakhs ki hai 'aam kitaabon jaisaa
tu hai mashhur bahut baang-e-daraa ki surat

— Zahid Azeem Zahid

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

— Aabid Adeeb

sabza o gul kahaan se aae hain
abr kyaa chiiz hai havaa kyaa hai

— Mirza Ghalib

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

— Irfan Sattar

qaatil tiri gali bhi badaun se kam nahin
jis ke qadam qadam pe mazaar-e-shahid hai

— Mushafi Ghulam Hamdani

kuchh phulon ki khaatir bhi kuchh phulon kaa
sab se achchhaa rang churaanaa paDtaa hai

— Nadeem Bhabha

jaise ye mez miTTi kaa haathi ye phuul
ek kone mein ham bhi hain rakkhe hue

— Shariq Kaifi