jo kahtaa thaa tire bin mar rahaa huun — Zahid Azeem Zahid

kuchh der mere ghar se bahaarein khafaa rahin
lekin mujhe gulaab koi bhejtaa rahaa

ab maangne pe chhaaon bhi dete nahin mujhe
paude jo apne khuun se main sinchtaa rahaa

kaanTon mein qaid phuul se girne se peshtar
shabnam kaa qatra der talak kaanptaa rahaa

so gae hain phuul bhi Tahni kaa jhulaa jhulte
loriyaan koi sunaae shaam peDon ke tale

main huun ik shakhs ki hai 'aam kitaabon jaisaa
tu hai mashhur bahut baang-e-daraa ki surat

jinhein ye fikr nahin sar rahe rahe na rahe
vo sach hi kahte hain jab bolne pe aate hain

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

gulaabon ke honTon pe lab rakh rahaa huun
use der tak sochnaa chaahtaa huun

maango samundaron se na saahil ki bhiik tum
haan fikr o fan ke vaaste gahraai maang lo

ik baat kaheinge 'inshaa'-ji tumhein rekhta kahte umr hui
tum ek jahaan kaa ilm paDhe koi 'mir' saa sher kahaa tum ne

kahaan ke naam o nasab ilm kyaa fazilat kyaa
jahaan-e-rizq mein tauqir-e-ahl-e-haajat kyaa