ilm mein jhingur se baDh kar kaamraan koi nahin — Zareef Lakhnavi

vo bhi gunge bane rahe ham bhi
guftugu qissa-mukhtasar na hui

— Zareef Lakhnavi

saakinaan-e-shahr ab hoshyaar honaa chaahiye
member aur voter kaa kuchh meaar honaa chaahiye

— Zareef Lakhnavi

hamein batlaa na dein aashiq jo hain ru-e-kitaabi par
sabaq hai kyaa koi maashuq jis ko yaad karte hain

— Zareef Lakhnavi

chaae mein Daal kar ushshaaq use pi jaate
dar-haqiqat lab-e-maashuq jo shakkar hotaa

— Zareef Lakhnavi

vahshat mein har ik naqsha ulTaa nazar aataa hai
majnun nazar aati hai lailaa nazar aataa hai

— Zareef Lakhnavi

'zarif' ab faaeda kyaa shaairon ko sardi khaane se
ghazal ham paDh chuke ghar jaaein kyuun be-kaar baiThe hain

— Zareef Lakhnavi

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

— Parveen Shakir

jinhein ye fikr nahin sar rahe rahe na rahe
vo sach hi kahte hain jab bolne pe aate hain

— Aabid Adeeb

sunaa hai vo mire baare mein sochtaa hai bahut
khabar to hai hi magar mo'tabar zyaada nahin

— Zafar Iqbal

azaab-e-daanish-e-haazir se baa-khabar huun main
ki main is aag mein Daalaa gayaa huun misl-e-khalil

— Allama Iqbal

gulaabon ke honTon pe lab rakh rahaa huun
use der tak sochnaa chaahtaa huun

— Zubair Rizvi

us ko sochun to dhyaan mein mere
khushbu aati hai pahli baarish ki

— Vibha Jain 'Khwaab'