jagmagaataa huaa khanjar mire siine mein utaar — Zeb Ghauri

main payambar tiraa nahin lekin
mujh se bhi baat kar khudaa mere

jaag ke mere saath samundar raatein kartaa hai
jab sab log chale jaaein to baatein kartaa hai

talaash ek bahaana thaa khaak uDaane kaa
pata chalaa ki hamein justuju-e-yaar na thi

dil ko sambhaale hanstaa boltaa rahtaa huun lekin
sach puchho to 'zeb' tabiat Thiik nahin hoti

tere saamne aate hue ghabraataa huun
lab pe tiraa iqraar hai dil mein chor bahut

uDaa ke khaak bahut main ne dekh li ai 'zeb'
vahaan talak to koi raasta nahin jaataa